Суданның Порт-Судан қаласынан 38 километр қашықтықта салынған Арбаат бөгетінің бұзылуы салдарынан 60 адам қаза тапты.

БҰҰ-ның Гуманитарлық мәселелерді үйлестіру басқармасының хабарлауынша, 20 ауыл толығымен қираған.

Оқиға салдарынан 317 мың адам зардап шегіп, олардың 118 мыңы үйлерін тастап кеткен. Жүздеген адам хабар-ошарсыз кеткендер қатарында.

Аппат салдарынан 84 құдық және шамамен 10 мың ауыл шаруашылығы малы қырылған.

Жергілікті басылымдардың хабарлауынша, қатты жауын-шашын салдарынан бөгеттің бұзылуы су тасқынына әкеліп, жақын маңдағы ауылдарды қиратып, құтқару жұмыстарына кедергі келтірген.

Бұл бөгет қала үшін негізгі су көзі болған. Оның сыйымдылығы 25 миллион текше метрді құрайды.