Судан ҳаво ҳудуди 14 январдан вақтинчалик ёпилди, деб хабар беради “Al Hadas” маълумотига таяниб REGNUM агентлиги. Бундан ташқари, пойтахт Хартумга қатор махсус тезкор гуруҳлар сафарбар қилинган, айрим кўчаларда йўл ҳаракати тўхтатилган.

Аэропорт йўли Судан миллий армияси бўлинмаси назорати остига олинган. Эслатиб ўтамиз, аввалроқ Хартумда мамлакат разведка хизматининг тезкор бошқармаси ходимлари ва ҳарбий полициячилар ўртасида отишма бўлгани маълум қилинганди.