Өзбекстанда жаңа оқу жылынан 1-курс студенттері жатақханаға орналасуға онлайн өтініш бере алады.

2023-2024 оқу жылында оқуға түсуге ұсынылған барлық талапкерлер Мемлекеттік қызмет көрсету орталығы немесе my.gov.uz Бірыңғай интерактивті мемлекеттік қызметтер порталы арқылы мемлекеттік жоғары оқу орындарының студенттер үйіне орналасуға электронды өтініш бере алады.

Бұл қызмет 2023 жылға арналған Мемлекеттік бағдарламада айқындалған міндеттерді жүзеге асыруды қамтамасыз ету мақсатында Министрлер Кабинетінің қаулысына сәйкес іске қосылды.

Еске салар болсақ, бұл қызметті 2023/2024 оқу жылына мемлекеттік жоғары оқу орындарына түсу тест қорытынды нәтижелері (мандаты) жарияланғаннан кейін пайдалануға болады. Өйткені платформада 1-курс студенттері туралы ақпарат 2023 жылғы қабылдау параметрлері бойынша мандат қорытындысы бойынша жаңартылады.