Болгариянинг София шаҳрида анъанавий тарзда ўтказиб келинаётган "Странджа" халқаро турнирининг илк кунги баҳслари ҳам ўз якунига етди.

Унда Ўзбекистон терма жамоасининг 7 нафар вакили рингга кўтарилди. Қувонарлиси, улар орасида Асилбек Жалилов, Самандар Олимов, Самир Собиров, Фазлиддин Эркинбоев ва Жавоҳир Умматалиев ўз вазн тоифаларида зафар қучди. Афсуски, Абдулазиз Жўрақулов ҳамда Абдураҳмон Маҳмуджонов каби ёш боксчиларимизга бироз омад етишмади.

Бугун, 24 февраль куни терма жамоамизнинг қуйидаги 8 нафар вакили рингга кўтарилади.

-51 кг: Гулсевар Ғаниева (Ўзбекистон) – Макси Клотцер (Германия);

-51 кг: Феруза Казакова (Ўзбекистон) – Женнифер Лозано (АҚШ);

-70 кг: Ойша Тоирова (Ўзбекистон) – Лекеиша Перголити (Австралия);

-54 кг: Узукжамол Юнусова (Ўзбекистон) – Айсен Таскин (Туркия);

-55 кг: Абдулазиз Абдуназаров (Ўзбекистон) – Баглан Кенжибек (Қозоғистон);

-55 кг: Самандар Олимов (Ўзбекистон) – Али Эл Сари (Германия);

-65 кг: Абдуллоҳ Мадаминов (Ўзбекистон) – Абдигалым Абдикарим (Қозоғистон);

-90 кг: Тўрабек Ҳабибуллаев (Ўзбекистон) – Теагн Стотт (Англия).

Жавоҳир Тошхўжаев,

ЎзА