Sofiya shahrida o‘tayotgan “Strandja” turnirining bugungi bahslari qizg‘in va murosasiz o‘tmoqda.

Quvonarlisi turnirning chorak final janglarida o‘zbek charm qo‘lqop ustalari muvaffaqiyatga erishmoqda.

Jumladan, -50 kg. vaznda Asilbek Jalilov gruziyalik Goga Topuriyaga qarshi bahs olib bordi va 5:0 hisobida zafar quchdi. -70 kg. vazn toifasida Shavkatjon Boltayev chorak finalda angliyalik Patrik Xevittga hech qanday imkoniyat qoldirmadi.  

Eslatib o‘tamiz, ayni damda musobaqaning kechgi dasturidan o‘rin olgan janglar o‘tkazilmoqda.

Juftliklar:

-75 kg: Fazliddin Erkinboyev – Orlando Holley-Sotomi (Uels)  

-80 kg: Javohir Ummataliyev – Vanderley Pereira (Braziliya)  

-85 kg: Norbek Abdullayev –  Kristiyan Dimitrov (Bolgariya)  

-85 kg: Akmaljon Isroilov –  Sultanbek Aibaruli (Qozog‘iston)  

-90 kg: To‘rabek Habibullayev –  Santos Ribeiro (Braziliya)  

-90 kg: Samir Sobirov –  Nurmagamed Yusupov (Qozog‘iston).

+90 kg: Ozodbek Aliyev –  Nurlan Saparbay (Qozog‘iston)  

Javohir Toshxo‘jayev, O‘zA