НАТО ҳеч қачон Россия Федерациясига Альянснинг Москва томонидан ядро қуролидан фойдаланишига аниқ жавоби қандай бўлиши ҳақида маълумот бермайди. Бу ҳақда НАТО Бош котиби Йенс Столтенберг “BBC” радиоэшиттириш кампаниясига берган интервьюсида айтиб ўтди.

“Ҳозирча биз Россия ядро сиёсатида ўзгариш кўрмадик. Бинобарин, ҳушёрликни ҳам йўқотмаймиз. Албатта, уларга қандай жавоб беришимизни маълум қилмаймиз, аммо бунинг оқибати анча оғир бўлади. Россия буни билади”, деди Бош котиб.
Унинг сўзларига кўра, Ғарб давлатларида Украинани қўллаб-қувватлаш учун “хавфсиз муқобил йўл йўқ”. Қолаверса, Россиянинг Украина устидан ғалабаси НАТО иттифоқчилари учун Киевни қўллаш билан боғлиқ хавфдан кўра кучлироқ хавф туғдиради.

ЎзА