Жорий йилда Жанубий Кореянинг Ченду шаҳрида стол тенниси бўйича жамоавий жаҳон чемпионати бўлиб ўтади. Халқаро стол тенниси федерацияси ижроия қўмитаси ушбу жамоавий жаҳон чемпионатига қўлланиладиган саралаш тизимига овоз берди.

Шу тариқа, ҳозирга келиб 33 та терма жамоа номи аниқ бўлган жаҳон биринчилигида Ўзбекистон эркаклар терма жамоаси Осиёнинг 11-рақамли жамоаси сифатида жаҳон чемпионатида иштирок этиш ҳуқуқини қўлга киритди.

Терма жамоамизнинг бу ҳуқуқни қўлга киритишида Халқаро стол тенниси федерацияси ижроия қўмитасининг овозга қўйиш таклифи муҳим роль ўйнади. Бу йил қитъалараро танлов ўтказиш имконияти йўқлиги сабабли қолган ўринларни қандай тақсимлаш бўйича бир қанча таклифлар билдирилди. Улар орасида овоз бериш жараёнини ўтказиш таклифи маъқулланди. Унда қитъа федерациялари раислари ва қитъа кенгаши аъзолари иштирок этди.

Мазкур овоз бериш таклифини маъқулланишига яна бир сабаб, агарда рейтинг бўйича йўлланмалар тақсимланганда, деярли барча ўринлар Европа қитъасига ўтиб кетар эди. Шу боис Халқаро стол тенниси федерацияси ижроия қўмитаси бошқа қитъа вакилларига имконият қолдириш мақсадида овоз бериш жараёнида ҳар бир қитъага рейтинг бўйича биттадан жой ажратишга қарор қилинди.

Эслатиб ўтамиз, овоз бериш жараёнида федерация раисларидан ташқари қитъа кенгашларнинг кўплаб аъзолари иштирок этди. Бундан кўзланган асосий мақсад эса ҳеч қандай илтимос ва коррупцияга йўл қўймаслик эди.

ЎзА