Стокгольм қаласында Өзбекстан мен Швеция сыртқы істер министрліктері арасындағы саяси консультациялардың үшінші раунды өтті.

«Dunyo» ақпарат агенттігінің хабарлауынша, Өзбекстан Сыртқы істер министрлігінің Еуропа елдері және ЕО институттарымен ынтымақтастық департаментінің басшысы Ойбек Шахавдинов бастаған Өзбекстан делегациясы Стокгольмде Шығыс Еуропа және Орталық Азия департаментінің директоры Питер Эриксон бастаған Швеция делегациясымен кездесу өтті.

Кездесуде екіжақты қарым-қатынастардың күн тәртібі, халықаралық және аймақтық проблемалар жөнінде пікір алмасылды.

Тараптар саяси диалогты, парламентаралық, сауда-экономикалық және мәдени-гуманитарлық байланыстарды кеңейтуді, ортақ күн тәртібін практикалық мазмұнмен толтыруды қолдайтындықтарын білдірген.

«Сауда-экономикалық және инвестициялық ынтымақтастықты кеңейту мәселелеріне ерекше назар аударылды. Екіжақты ынтымақтастықтың тиісті тетіктерін құру арқылы осы бағыттағы қарым-қатынастарды институттандырудың маңыздылығы атап өтілді.

Бірлескен инвестициялық жобаларды жүзеге асыру, сауда көлемін арттыру және Өзбекстаннан Швецияға экспортты кеңейту перспективалары талқыланды», делінген хабарламада.

Кездесуде мәдени-гуманитарлық саладағы қарым-қатынастарды кеңейту және ғылыми және білім беру мекемелері арасындағы алмасуды жандандыру мәселелеріне назар аударылып, Еуропалық Одақ аясындағы өзара ынтымақтастық, өңірлік және халықаралық күн тәртібінің кейбір аспектілерімен алмасылған.

Келіссөздер соңында саяси консультациялардың келесі раундын 2024 жылы Өзбекстанда өткізу туралы келісімге қол жеткізілгені айтылған.