Стокгольмде ӨР Олий Мажлис Сенаты төрағасының бірінші орынбасары Садық Сафоев бастаған Өзбекстан делегациясы Швеция Сыртқы істер министрлігінің мемлекеттік хатшысы Ян Кнутсонмен кездесті.

Dunyo ақпараттық агенттігінің хабарлауынша, келіссөздер барысында Өзбекстанда жүзеге асырылып жатқан конституциялық реформалардың мән-мазмұны, сондай-ақ Өзбекстан-Швеция ынтымақтастығының қазіргі жағдайы мен келешегі жан-жақты талқыланды. Сонымен қатар, өңірлік және халықаралық мәселелер бойынша пікір алмасылды.

«Швеция мемлекеттік хатшысы Стокгольмде Өзбекстан елшілігі ашылғаннан кейін жоғары деңгейдегі Өзбекстан делегациясының корольдікке алғашқы ресми сапарын қарсы алды. Оның пікірінше, бұл сапар екіжақты саяси және парламентаралық диалогты одан әрі дамыту және нығайту тұрғысынан өте маңызды», делінген хабарламада.

Кездесу соңында Швеция Сыртқы саясат басқармасы басшылығының биылғы Өзбекстанға сапарын ұйымдастыру туралы келісімге қол жеткізілді.