Сұрхандария облысындағы «Айрытом» шекара бекетінде есірткінің заңсыз айналымы фактісі анықталды.

Мемлекеттік кеден комитетінің хабарлауынша, көрші елден келген жүк көлігі ел ішінде транзит жолмен, Әндіжан облысындағы «Дустлик» шекаралық кеден бекеті арқылы көрші елге кетуі керек болған. Құжаттарға сәйкес, жүк көлігіне 533 қапта 22 тоннадан астам картоп тиелген.

Көлікті тексеріс кезінде жүктің рентгендік суреті кеденшілерде күдік туғызып, қапқа тиелген картопты ашып көргенде 533 қап картоптың 38-інде 1305 картоп секілді оралған есірткі заты бар екені анықталған.

Жүк көлігіне тиелген қаптардан табылған гашиш есірткісінің жалпы салмағы 154 келі 90 грамм екені белгілі болды. 

Осы жағдайға байланысты Кеден органдары қылмыстық іс қозғады.