Қыркүйек айының басында Сұрхандария облысындағы «Тәуелсіздіктің-25 жылдығы» кен орнындағы 604-ұңғымадан шыққан, құрамында күкіртті сутегі көп болған газды сөндіру жұмыстары аяқталды.

Энергетика министрлігінің хабарлауынша, оған газдың шығуын болдырмайтын арнайы құрылғының қосымша блогы орнатылған.

Ұңғыманы сөндіру үшін дайындық жұмыстары аясында кеніш герметизацияланып, 15 қыркүйек күні сағат 16:50-де газдың шығуы толықтай тоқтатылған.

Оқиға орнында жағдайды кәсіби бағалау үшін өзбекстандық, ресейлік және америкалық сарапшылардың қатысқан.

Кенішіндегі оқиғаның салдарын жою кезінде халыққа ешқандай қауіп төнбеген. Жұмыстар қажетті техника және жабдықтармен толықтай қамтамасыз етіліп, жағдай орын алғаннан бастап барлық қажетті шаралар қабылданған. 

«Атап айтқанда, жақын маңдағы елді мекендерде ауаның сапасын өлшеу және бақылау үшін арнайы бекеттер орнатылды. Талдаулар көрсеткендей, атмосферадағы зиянды заттардың рұқсат етілген шектен асып кету жағдайлары байқалмаған.

Сондай-ақ, бұрғылау қондырғысының жұмыс аймағы тазартылып, арнайы техника мен жабдықтарды толық орнатуға және пайдалануға дайындалды.

Сонымен қатар, қызметкерлерге үнемі нұсқаулық беріледі. Кен орнында көмірсутек өндіру барған сайын күрделене түсуде, бұл жаңа тәжірибені және дағдыларды талап етеді.

Оқиға орнында жүргізілген жұмыстарға кедергі келтірмеу мақсатында кеніште жасалып жатқан іс-шаралар туралы ақпарат берілмеді. Дегенмен, бұл жерде барлық тиісті министрліктер мен комитеттер, облыстық және аудандық әкімдіктердің қызметкерлері, құқық қорғау органдары мен қоғамдық тәртіпті сақтау ұйымдарының өкілдері, сондай-ақ кеншілер мен сарапшылар бірігіп белсенді еңбек етті», делінген министрлік ақпаратында.