Россия Соғлиқни сақлаш вазирлиги коронавирусга қарши вакцина "Спутник V" нинг нархини эълон қилди.

"Унинг 2 жуфти 1942 рубль туради. Бешта икки жуфтли тўпламларнинг нархи 9710 рубль этиб белгиланди", — дейди мамлакат соғлиқни сақлаш вазири ёрдамчиси Алексей Кузнецов.

"РБК" хабарида қайд этилишича, Россиянинг Тўғридан-тўғри инвестициялар фондининг раҳбари Кирилл Дмитриев  вакцинанинг нархи худди шундай таъсир кучига эга дорилар нархидан 2 баробарга арзонлигини ҳамда ушбу вакцина клиник синовларнинг учинчи босқичида  90 фоиздан юқори бўлган самарадорлик натижани кўрсатганини таъкидлаган.  

 Ҳозирда вакцинани  инсонларда қўллашнинг биринчи босқичи учун тайёргарлик кўрилмоқда.  

Эслатими ўтамиз,  Россяда коронавирусга қарши оммавий эмлаш тадбирлари келаётган ҳафтадан бошланиши маълум қилинган эди. Эмлаш тадбирлари биринчи навбатда ихтиёрий равишда  шифокорлар, ўқитувчилар, ҳуқуқ тартибот ходимларига қилинади.  

Сардорбек Поёнов