Sport yarmarkasidan soʻng 400 nafar oʻquvchi sport toʻgaragiga yoʻl oldi
Toshkent viloyati Zangiota tumani Jismoniy tarbiya va sport boʻlimi hamda bolalar-oʻsmirlar sport maktabi tomonidan tumanda joylashgan 14-sonli umumtaʼlim maktabida “Sport yarmarkasi” oʻtkazildi.
Toshkent viloyati Zangiota tumani Jismoniy tarbiya va sport boʻlimi hamda bolalar-oʻsmirlar sport maktabi tomonidan tumanda joylashgan 14-sonli umumtaʼlim maktabida “Sport yarmarkasi” oʻtkazildi.
Yarmarkada tuman hududlaridagi sport toʻgaraklarida shugʻullanayotgan yosh sportchilar, murabbiy va ommaviy axborot vositalari xodimlari ishtirok etdi.
Mamlakatimizda navqiron avlod oʻrtasida sogʻlom turmush tarzini yanada ommalashtirish, ularni sportga boʻlgan qiziqishlarini oshirish maqsadida oʻtkazilgan “Sport yarmarkasi”da bolalar-oʻsmirlar sport maktabi tarbiyalanuvchilari oʻzlarining sportdagi yutuqlarini tengdosh doʻstlari va tadbirga kelgan mehmonlarga namoyish qildi. Shuningdek, yosh sportchilarning koʻrgazmali chiqishlari yarmarka ishtirokchilari qalbiga joʻshqinlik baxsh etdi.
Tadbirda tumanda ishtirok etgan uchta umumtaʼlim maktabining 400 nafardan ortiq oʻquvchisi yarmarkadan soʻng oʻzlariga qiziq boʻlgan sport turlariga qatnashish boʻyicha sport maktabi murabbiylariga murojaat qildi.
