Italiyaning Bergamo shahrida tashkil etilgan “Chellenjer” turkumiga kiruvchi xalqaro turnirda hamyurtimiz Farrux Do‘stov munosib ishtirok etmoqda.

Tennis. Italiyaning Bergamo shahrida tashkil etilgan “Chellenjer” turkumiga kiruvchi xalqaro turnirda hamyurtimiz Farrux Do‘stov munosib ishtirok etmoqda.

O‘zbekiston Milliy olimpiya qo‘mitasidan ma’lum qilishlaricha, tennischimiz yakkaliklar o‘rtasidagi dastlabki bahsda fransiyalik David Guesni 6:2, 6:1 hisobida mag‘lubiyatga uchratdi. F.Do‘stov navbatdagi bosqichda belgiyalik Maksim Automga qarshi kortga chiqadi.

* * *

Yunon-rum kurashi. Moskva shahrida o‘smirlar o‘rtasida o‘tkazilgan xalqaro turnirda 600 nafarga yaqin sportchi g‘oliblik uchun kuch sinashdi.

Vazni 69 kilogrammgacha bo‘lgan polvonlar bahsida hamyurtimiz Abubakr Alimov, 85 kilogrammgacha bo‘lgan kurashchilar o‘rtasida Temur Mamajonov finalgacha bo‘lgan bellashuvlarda barcha raqibini mag‘lubiyatga uchratib, kumush medalni qo‘lga kiritdi.