Sport xabarlari: Sergey Fomin mamlakatimiz sharafini munosib himoya qilmoqda
KARATE. Jizzaxdagi yakkakurash sport turlariga ixtisoslashtirilgan bolalar va o‘smirlar sport maktabida o‘smirlar va qizlar o‘rtasida viloyat birinchiligi o‘tkazildi.
KARATE. Jizzaxdagi yakkakurash sport turlariga ixtisoslashtirilgan bolalar va o‘smirlar sport maktabida o‘smirlar va qizlar o‘rtasida viloyat birinchiligi o‘tkazildi.
Unda yuzdan oshiq o‘smirlar g‘oliblik uchun kuch sinashdi. Umumjamoa hisobida Sharof Rashidov tumani jamoasi shohsupaning eng yuqori pog‘onasiga ko‘tarildi. Jizzax shahri jamoasi ikkinchi, g‘allaorollik karatechilar esa uchinchi pog‘onani egalladi.
* * *
TЕNNIS. Fransiyaning Parij shahrida “Katta dubulg‘a” turkumiga kiruvchi "Rolan Garros" musobaqasining o‘smirlar o‘rtasidagi bahslarning asosiy to‘rida Sergey Fomin mamlakatimiz sharafini munosib himoya qilmoqda.
U ilk bosqichda chexiyalik Ondrey Stilerni 6:2, 3:6, 6:4 hisobida mag‘lubiyatga uchratgan edi. Bugun tennischimiz turnirning ikkinchi davrasida amerikalik Tristan Boerga qarshi kortga chiqadi.
Sergey juftlik bahslarida xitoylik sherigi Tao Mu bilan argentinalik Fakudo Diaz va Tiago Agustinga ilk bosqichda imkoniyatni boy berib qo‘ydi.
* * *
Namanganda Xalqaro tennis federatsiyasi tomonidan tashkil qilingan turnirda birinchi davra bahslari davom etmoqda.
Unda hamyurtimiz Arina Fols rossiyalik Anna Morginga imkoniyatni boy berib qo‘ydi.
* * *
YENGIL ATLЕTIKA. O‘zbekiston yengil atletika federatsiyasi terma jamoa safiga munosib nomzodlarni qo‘shib olish maqsadida 8-10 iyun kunlari Toshkentda mamlakat ochiq kubogini tashkil qiladi.