Бирлашган кураш дунёси (UWW) эркин, юнон-рум ва аёллар кураши бўйича "Париж-2024" ёзги Олимпия ўйинларида фаолият кўрсатадиган ҳакамлар рўйхатини эълон қилди.

Эътиборли жиҳати, рўйхатда номи келтирилган 50 нафар мутахассис орасида ўзбекистонлик халқаро тоифадаги ҳакам Эшпўлат Ҳидоятов ҳам жой олган.  

Айтиш лозимки, "Париж-2024" ўйинлари Эшпўлат Ҳидоятов учун биринчи Олимпиада ҳисобланади. У бугунгача ўнлаб халқаро турнирларда, шунингдек 2014 йил Хитой шимолидаги Нанкин шаҳрида ҳамда 2018 йил Аргентина пойтахти Буэнос-Айрес шаҳрида ўтган ўсмирлар ўртасидаги ёзги Олимпия ўйинларида, қитъа ва жаҳон чемпионатлари, Осиё ўйинларида ҳакам сифатида фаолият кўрсатган.  

Эшпўлат Ҳидоятов 2022 йил Ўзбекистонда спорт ташкилотлари томонидан ўтказилган танловда “Йилнинг энг яхши ҳаками” совринига сазовор бўлган.  

Жорий йилнинг 20-24 июнь кунлари "Париж-2024"да меҳнат қиладиган спорт курашлари ҳакамлари учун семинар машғулотлари бўлиб ўтади.  

Т.Рўзиев,

ЎзА