Озарбайжон пойтахти Боку шаҳрида спорт гимнастикаси бўйича ўтаётган жаҳон кубоги иккинчи босқич саралаш баҳсларида ҳамюртимиз, спорт афсонаси Оксана Чусовитина муваффақиятли қатнашмоқда.

Таяниб сакраш мусобақасининг аёллар гуруҳида стартга чиққан 50 ёшли Оксана Чусовитина 13.049 балл билан финал йўлланмасига эга чиқди.

Финал йўлланмасига умумий ҳолатда саккиз нафар маҳоратли гимнастикачилар йўл олган бўлса, Оксана Чусовитина икки уриниш якунларига кўра, финал чиптасини қўлга киритди. Саралаш мусобақаларидаги энг яхши натижани россиялик Анна Калмикова (13.549) қайд этди.

Эртага жаҳон кубоги иккинчи босқичининг финал мусобақалари бўлиб ўтади.

Т.Рўзиев, ЎзА