Poytaxtimizda ot sporti bo‘yicha “Global Tour” musobaqasining navbatdagi bosqichi o‘tkazildi.

Ot sporti. Poytaxtimizda ot sporti bo‘yicha “Global Tour” musobaqasining navbatdagi bosqichi o‘tkazildi.

Turli balandlikdagi to‘siqlardan ot sakratishda Oqil Sobirjonov, A’zam Tolibboyev, Abdushukur Sobirjonov, Otabek Bahrombekov kabi chavandozlar g‘oliblikni qo‘lga kiritdi.

Voleybol. Toshkentda voleybol bo‘yicha xotin-qizlar o‘rtasidagi XXV O‘zbekiston chempionatida “Andijon”, “Jizzax”, “Xorazm”, “Bulung‘ur” (Samarqand), “SKIF” (Chirchiq) hamda “NDPI” (Nukus) jamoalari o‘zaro bahslashdi.

Chempionatda “SKIF” jamoasi oltin medalni qo‘lga kiritdi.“NDPI” musobaqaning kumush medaliga sazovor bo‘ldi, “Andijon” jamoasi uchinchi o‘rinni egalladi.


Eshkak eshish. O‘zbekiston terma jamoasi Indoneziyada bo‘lib o‘tadigan Osiyo o‘yinlarining akademik eshkak eshish bahslarida munosib ishtirok etish uchun jiddiy tayyorgarlik ko‘rmoqda.

Toshkent dengizidagi eshkak eshish kanalida terma jamoamizning 22 nafar a’zosi 6 iyunga qadar o‘tadigan o‘quv-mashg‘ulot yig‘inida ishtirok etadi. Ularga tajribali murabbiylar Sergey Tyan, Tolib Isoboyev, Dmitriy Shugurov, Vyacheslav Didrix ko‘rsatmalar berayotir.