АҚШ-тың SpaceX компаниясы Starship ғарыш кемесінің прототипі бар тасымалдаушы зымыранның оныншы ұшуын тоқтатты.

Компания хабарлауынша, тоқтатудың себебі жерүсті жүйелеріндегі техникалық ақаулар.

«Starship-тің бүгінгі оныншы ұшуы жерүсті жүйелеріндегі ақауларды жою үшін уақыт бөлу мақсатында тоқтатылды», – делінген хабарда.

Starship-тің ұшуы 24 тамыз күні Техастағы Starbase ғарыш айлағынан жергілікті уақыт бойынша 18:30-да жүзеге асуы тиіс еді. Келесі ұшу күні әлі жарияланған жоқ.

Starship-тің биіктігі 123 метрді құрайды. Бұл қазіргі таңда ең үлкен әрі ең қуатты ғарыш зымыраны. SpaceX компаниясы Starship-ті қайта пайдалануға болатын зымыранға айналдыруды мақсат еткен, бұл ғарыш сапарларының құнын едәуір төмендетеді. SpaceX бас директоры Илон Маск Starship 2026 жылы Марсқа ұша алады деп отыр.

Бұған дейінгі тоғыз сынақ ұшуы сәтсіз аяқталып, олардың төртеуінде зымыран жарылып кеткен.