«Узбеккосмос» бас директоры Ташкентте SpaceX өкілімен келіссөздер жүргізіп, компанияны және оның Starlink спутниктік интернет-жобасын Өзбекстан нарығына шақырды.

10-11 мамыр күндері Ташкентте «Space Technology Conference STC-2022» халықаралық конференция өтуде.

Осы конференция аясында Өзбекстан ғарыш агенттігі мен АҚШ-тың SpaceX компаниясы арасында «Ғарыштық технологиялар және олардың әлеуметтік-экономикалық дамудағы рөлі» тақырыбында кездесу өтіп, онда спутник арқылы жоғары жылдамдықты кең жолақты интернетке қол жеткізу үшін SpaceX жүзеге асырып жатқан Starlink жобасының Өзбекстан нарығына кіруі талқыланды.

Келіссөздер соңында тараптар өзара тиімді қарым-қатынас пен ынтымақтастықты одан әрі дамытуға дайын екендіктерін білдірді.