SpaceX компанияси Пентагон берган 159 миллион доллар эвазига АҚШ қуролли кучлари учун иккита аппаратни коинотга учиради. Мазкур келишув 2023 молия йилининг охиригача амалга оширилиши керак, деб хабар тарқатди АҚШ мудофаа вазирлиги.

SpaceXдан ташқари, яна бир компания,  АҚШ қуролли кучларининг доимий ҳамкори United Launch Alliance (ULA) ҳам Пентагон учун 224 миллион доллар қийматидаги иккита аппаратни учириш бўйича шартномага эга бўлган.

Ўтган йил октябрда ҳам SpaceX Пентагондан ракета парвозларини кузатиб бориш учун йўлдошлар яратиш дастури доирасида 149 миллион долларлик шартнома имзолаган эди.  

Режага кўра, SpaceX кенгбурчакли инфрақизил сенсорли Starlink  телекоммуникация йўлдошларини ўз заводида ишлаб чиқаради.