Buxoro tumanida fuqarolarga soxta pasport tayyorlab berishni va’da qilgan firibgar ushlandi.

Bosh prokuratura huzuridagi Departamentning Buxoro tumani bo‘limi tomonidan tezkor tadbir o‘tkaziladi. Natijada fuqaro X.U. 2 nafar fuqaroning ishonchiga kiradi. Ularga chet elga chiqish uchun taqiq qo‘yilgan bo‘lsada, tanishlari yordamida 3 ming 600 AQSH dollari evaziga qo‘shni Qirg‘iziston Respublikasi fuqarosi sifatida soxta pasport tayyorlab, O‘zbekiston Respublikasi chegara postidan o‘tkazib qo‘yishga kelishadi. Oldindan 2 ming AQSH dollarini olgan vaqtida ashyoviy dalillar bilan ushlanadi. 

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

Zarif Komilov, O‘zA