Азия футбол конфедерациясы ұйымдастыруымен Гонконгта өткен «The AFC Annual Awards 2019» салтанатты шарасында 2019 жылдың үздік Азия құрлығы футболшылары марапатталды.

Айтулы шарада, 2019 жыл Азияның үздік футболшысы сыйлығына Қатар құрамасының шабуылшысы Акрам Афиф лайық деп табылса, Азия құрлығынан шыққан әлемдік аренада ойын көрсететін үздік футболшы марапаты «Тотенхэм» клубы шабуылшысы, Оңтүстік Кореялық Сон Хен Минге бұйырды.

Азияның үздік бапкері Оңтүстік Кореяның жастар құрамасы жаттықтырушысы 50 жастағы Чун Жун Йон атанса, әйелдер арасында үздік бапкер Асако Такакура атанды. 

Ал, әйелдер арасында Азияның үздік ойыншысы францияның Лион клубы жартылай қорғаушысы Саки Кумагаиға нәсіп етті.