Халықаралық футбол статистикасы және тарихы (IFFHS) соңғы онжылдықтағы Азияның үздік ойыншыларын жариялады.

2011-2020 жылдар аралығындағы Азия футбол кофедерациясы елдерінің үздік ойыншыларына негізделген рейтингте «Тоттенхэм» клубы мен Оңтүстік Корея құрамасының шабуылшысы Сон Хын Мин 1 орынға лайық деп табылған.

 «ЦСКА», «Милан» клубтары мен Жапония құрамасында өнер көрсеткен Кейсуке Хонда екінші орынды иелеген болса, күшті үштікті «Аль-Хилал» мен Сауд Арабиясы ұлттық құрамасының футболшысы Салим Аль-Давсариге қорытындылаған.

Еске сала кетсек, IFFHS бұған дейін соңғы онжылдықтағы Еуропа жасыл алаңындағы ойын көрсеткен үздік футболшы ретінде Криштиану Роналдуды атаған болатын.