Халқимиз учун асрлар давомида эзгулик, меҳр-оқибат, хайру саховат, маънавий покланиш айёми бўлиб келаётган муборак Рамазон ойи бу йил юртимизда ўзгача шукуҳ ва ҳамжиҳатлик билан нишонланди.

Муборак Рамазон ҳайити муносабати билан белгиланган дам олиш кунларида айниқса кўнгилочар масканлари фуқароларимиз билан янада гавжум бўлмоқда. Шу муносабат билан пойтахт аҳли ва меҳмонлари учун яхши кайфият улашиш мақсадида “Анҳор” паркида “Сомса марафони” ўтказилди. Республикамизнинг турли бурчакларидан келган 45 нафар профессионал ва ҳаваскор сомсапазлардан иборат  жамоалар ўзаро беллашди. Марафон икки кун давом этиб, саралаш босқичидан ўтган 7 нафар энг маҳоратли уста сомсапазлар 12 апрель куни финалда ўз имониятларини яна бир бора синовдан ўтказади.  

Лойиҳа ҳомийси “Кайфият сомса” компанияси томонидан ғолибларга қимматбаҳо совғалар тақдим этилади. Хуллас, ушбу марафонда иштирок этган сомсапазлар нафақат ўз маҳоратларини намойиш этишлари, балки ўзларига келгусида ҳомий топиб, пойтахтда иш бошлашлари учун яхшигина имконият бўлди.    

<iframe width="650" height="420" src="https://www.youtube.com/embed/EcPPoeDzH4I" title="Сомсапазлар беллашуви" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Дониёр Якубов, Анвар Аҳмедов (видео), ЎзА