Сомалидің орталық Галкайо қаласындағы стадион маңында бомбаның жарылуы салдарынан 10 адам мерт болды.

«Shabelle» радиосының хабарлауынша, қаза тапқандар арасында жоғары лауазымды тұлғалар бар. Жарылыс ел премьер-министрі Мұхаммед Хусейн Робле стадионға келерден бұрын болған.

Мәліметтерге қарағанда, терактіні жанкештілер жасаған. Үкімет оны «Аш-Шабаб» террористік тобымен байланысты деп күдіктенуде.

Жоспар бойынша Сомали премьер-министрі стадионда сөз сөйлеуі керек болатын. Қазір ол елде өтетін парламенттік және президенттік сайлау шеңберінде мемлекетті аралап жүруде. Сомалидегі парламент сайлауы 2020 жылдың 27 желтоқсанына, ал президент сайлауы 2021 жылдың 8 ақпанына жоспарланған.