Somalidagi savdo markazida avtomashina portlashi oqibatida ikki kishi halok boʻldi
Somali poytaxtidagi savdo markazlaridan birida avtomashina portlashi oqibatida ikki kishi halok boʻlgan va toʻrt kishi jarohatlangan.
Somali poytaxtidagi savdo markazlaridan birida avtomashina portlashi oqibatida ikki kishi halok boʻlgan va toʻrt kishi jarohatlangan. Mamlakat politsiyasining aytishicha portlash ash-Shabab terrorchi guruhi tomonidan uyushtirilgan boʻlishi mumkin.
Portlash poytaxt Mogadishuning Hamarveyn tumanidagi odam gavjum boʻladigan savdo markazida sodir etilgan.
“Hozircha ikkita tinch aholi halok boʻlganini va toʻrt kishi jarohat olganini bilamiz. Voqea joyida qidiruv ishlari davom ettirilmoqda“, degan politsiya xodimi Muhammad Husayn.