Бейсенбі күні Солтүстік Кореяда COVID-19 індетінің омикрон нұсқасын жұқтырудың алғашқы жағдайы тіркелгені белгілі болды.

Yonhap агенттігінің хабарлауынша, ел билігі 8 мамырда Пхеньянда безгегі бар науқастардан алынған сынамалар «омикронға» ұқсас деген қорытындыға келген.

Дереккөз мәліметінше, шенеуніктер «максималды төтенше жағдай» үшін вирусты бақылау жүйесін енгізу туралы хабарлаған.

Солтүстік Корея көшбасшысы Ким Чен Ын Саяси бюро отырысында COVID-19-ға қарсы шекаралық бақылауды күшейтуге тапсырма берген.

Еске салар болсақ, пандемия кезінде Солтүстік Корея елде COVID-19 жағдайын жариялаған жоқ.