КХДР сыйымдылығы 3 мың тонналық баллистикалық зымырандар тасымалдайтын жаңа суасты кемесінің құрылысын аяқтады.

Yonhap ақпарат агенттігі АҚШ және Оңтүстік Корея барлау мәліметтеріне сілтеме жасап хабарлауынша, Пхеньян Америка Құрама Штаттарына қысымды күшейту үшін өзінің жаңа кемесін көрсету мүмкіндігін күтуде. Кеме презентациясы кезінде одан «Pukguksong-3» сынды баллистикалық зымыран ұшырылуы мүмкін.

2019 жылы БАҚ-та Солтүстік Корея 3 баллистикалық зымыранды көтере алатын жаңа суасты қайығын жасап жатқаны хабарланды. Сол кезде кеме Жапон теңізінен тыс Тынық мұхитына жете алса, АҚШ-тың Гуам және Гавай аралдарына соққы беруі мүмкін екендігі айтылған.