“Солиқчи – тадбиркорга кўмакчи” тамойили ҳозир давлат солиқ идоралари фаолиятидаги асосий йўналишга айланмоқда.

Бу борада Тошкент вилояти давлат солиқ бошқармаси томонидан тадбиркорларга мунтазам кўмак берилмоқда. 

Хусусан, Ўрта Чирчиқда йил бошидан ҳозиргача 24 мингдан зиёд тадбиркорлик субъектларининг муаммолари ўрганилди. 534 та корхонага 222 миллион сўмдан зиёд ҚҚСдан мавжуд ортиқча тўлов суммаси қайтарилди. Шунингдек, 268 та бошқа идора ва ташкилотларга алоқадор муаммолар ҳам ўз ечимини топди.  

Айниқса, жойларда тадбиркорлар билан ташкил этилаётган учрашувлар ва давра суҳбатларида уларни қийнаётган муаммолар ўрганилиб, амалий кўмак берилмоқда. Ўрта Чирчиқ туманида ўтказилган галдаги семинарда ҳам 34 нафарга яқин тадбиркорлар иштирок этиб, фаолиятлари билан боғлиқ саволларга мутахассислардан атрофлича жавоб олди.  

Вилоят давлат солиқ бошқармаси ходимлари мазкур туманда фаолият олиб бораётган “Қорасув-мебел” ОК мебель ишлаб чиқарувчи ва "Fresh-food pack" МЧЖ лар қишлоқ хўжалиги дуккакли маҳсулотларни қайта ишлаб чиқариш цехида бўлди. Ушбу корхоналар 2015 йилда ташкил топган бўлиб, бугунгача 46 нафар ходимни иш билан таъминлаган. Тадбиркорлар билан учрашувда ишни самарали ташкил этиш юзасидан фикр алмашилди. 

А. Мусаев,  ЎзА.