Kinematografiya agentligi buyurtmasiga binoan Davlat soliq qo‘mitasi va «O‘zbekfilm» kinokonserni hamkorligida «Soliqchi-ko‘makchi» seriali suratga olindi. Ayni vaqtda filmning montaj ishlari amalga oshirilmoqda.

Ma’lumki, soliq tizimida islohotlarni amalga oshirmay turib ertangi kunimizni, farovon jamiyat qurishni tasavvur qilib bo‘lmaydi. Mazkur serial 2018-2022 yillari soliq sohasida yuz bergan yangiliklar, o‘zgarishlar va o‘z o‘rnida kamchiliklarni hamda ushbu soha xodimlarining ish jarayonlarni o‘z ichiga oladi.

Ssenariy muallifi va rejissyori Sanjar Matkarimov, rollarda Nozim To‘laxo‘jayev, Sulhida Parpiyeva, Bahodir Nishonov, Anvar Kartayev, Shoxrux Hamdamov, Nigina Anarbayeva va Abror Yo‘ldoshevlar qatnashgan.

 

Gulnoza Boboyeva, O‘zA