Sog‘liqni saqlash boshqarmasiga yangi rahbar tayinlandi
Jizzax viloyat sog‘liqni saqlash boshqarmasida bo‘lib o‘tgan yig‘ilishda tashkiliy masala ko‘rib chiqildi.
Shu kungacha viloyat sog‘liqni saqlash boshqarmasi boshlig‘i vazifasida ishlab kelgan Ozoda Mahmudova boshqa ishga o‘tganligi munosabati bilan vazifasidan ozod etildi. Sog‘liqni saqlash vaziri buyrug‘i bilan shu vaqtgacha viloyat sanitariya-epidemiologik osoyishtalik va jamoat salomatligi xizmati boshqarmasi boshlig‘i lavozimida ishlab kelayotgan Maxmarasul Do‘stmatovich Umarov viloyat sog‘liqni saqlash boshqarmasi boshlig‘i etib tayinlandi.
A.Qayumov, O‘zA