Чехиянинг собиқ президенти Вацлав Клаус коронавирусга қарши тиббий ниқобдан нотўғри фойдалангани учун 3 минг крона, яъни 135 долларга яқин жарима тўлади, дейилади “Чехия ТВ” хабарида.

Ахборот манбасининг маълумотига қараганда, Прагадаги тадбир давомида Клаус ниқобни иягига тушириб олган. Полициялар ундан ниқобни тўғри тақишни талаб қилишганида у бу талабни рад қилиб, уларга бўйсунмаган. Оқибатда Клаус полиция бўлимига олиб келиниб, унга жарима солинган, дейилади хабарда.