Өзбекстан Сыртқы істер министрлігі Иранның әскери техникасына қатысты жағдайға байланысты мәлімдеме жасады.

«Ғаламторда украиналық журналист және блогер Дмитрий Гордонның израильдік кәсіпкер Леонид Невзлинмен видеосұхбаты жарияланды, онда Өзбекстан аумағында ирандық ұшқышсыз басқарылатын құрылғыны құрастыру туралы жалған сөз айтылған», делінген мәлімдемеде

Өзбекстан Сыртқы істер министрлігінің мәлімдемесіне сәйкес, Өзбекстан Иранмен әскери-техникалық салада ынтымақтастық жасамайды және Иранның әскери техникасын өз аумағында құрастырмайды және осы уақытқа дейін Украина тарапынан да, басқа шетелдік серіктестерден де «Иран дронын құрастыру» мәселесі бойынша ресми үндеу түспеген.

«Осыған байланысты Өзбекстанның Сыртқы істер министрлігі Украинаның ресми үкіметін Украинаның бұқаралық ақпарат құралдарында Өзбекстанға қатысты екіжақты қарым-қатынастарға нұқсан келтіруі мүмкін мұндай негізсіз айыптаулар мен басқа да сенімсіз ақпараттардың таралуына жол бермеу үшін тиісті шаралар қабылдауға шақырады», - делінген ресми ақпаратта.