Өзбекстан Республикасының Сыртқы істер министрлігінде Еуропа елдерімен және Еуропалық Одақ институттарымен ынтымақтастық департаментінің басшысы Айбек Шахавдинов пен Еуропалық Одақ делегациясының басшысы Шарлотта Адрианның кездесуі өтті.

Dunyo ақпарат агенттігінің хабарлауынша, кездесуде Өзбекстан мен Еуропалық Одақ арасындағы ынтымақтастықтың қазіргі жағдайы мен оны дамыту перспективалары, сондай-ақ алдағы уақытта екіжақты және аймақаралық іс-шаралар талқыланды.

«Алдағы «Орталық Азия – Еуропалық Одақ» саммитінің күн тәртібіне қатысты мәселелер бойынша пікір алмасылды.

Кездесу соңында Өзбекстан мен Еуропалық Одақ арасындағы саяси, сауда-экономикалық және мәдени-гуманитарлық салалардағы қарым-қатынастарды одан әрі дамытуға бағытталған бірлескен іс-шараларды ұйымдастыру тәжірибесін жалғастыру келісілді», делінген хабарламада.