2023 жыл 24 тамызда Өзбекстан Республикасының Сыртқы істер министрі Бахтиёр Саидов Түрікменстанның Төтенше және Өкілетті Елшісі болып тағайындалған Шадурди Мередовтен сенім грамоталарының көшірмелерін қабылдады.

«Сұхбат барысында екі ел арасындағы қарым-қатынастар соңғы жылдары бұрын-соңды болмаған деңгейге дейін кеңейгені айтылды. Әр салада көптеген жетістіктерге қол жеткізіліп, алдағы уақытта бұдан да ауқымды жоспарлар белгіленгені сөз болды», делінген СІМ хабарламасында.

Ведомство дерегінше, Министр Елшіге Өзбекстандағы дипломатиялық қызметінде табыс тілеген.