2021 жылы 6 шілдеде Өзбекстан Республикасының Сыртқы істер министрі Абдулазиз Камилов Шанхай ынтымақтастық ұйымының Бас хатшысы Владимир Норовпен кездесті.

СІМ мәліметінше, кездесуде тараптар Өзбекстан мен ШЫҰ арасындағы көпжақты ынтымақтастықтың жағдайы мен перспективаларын, сондай-ақ Ұйымды одан әрі дамыту мәселелерін талқылады.

Сұхбат аясында ШЫҰ Мемлекет басшылары кеңесі мен Сыртқы істер министрлері кеңесінің алдағы отырыстарының күн тәртібі мен ұйымдастырушылық аспектілері туралы пікір алмасылды.

Сондай-ақ, 2021 жылы 15-16 шілдеде Ташкентте «Орталық және Оңтүстік Азия: аймақтық байланыс. Қауіптер мен мүмкіндіктер» атты жоғары деңгейдегі халықаралық конференцияға ШЫҰ делегациясының қатысуына ерекше назар аударылды, делінген СІМ хабарында.