Өзбекстан Республикасының Сыртқы істер министрі Абдулазиз Камилов Сауд Арабиясы Корольдігінің Өзбекстандағы Төтенше және Өкілетті елшісі Юсуф әл-Утайбиді қабылдады.

СІМ хабарлауынша, кездесу барысында тараптар саяси, сауда-экономикалық, инвестициялық және мәдени-гуманитарлық салалардағы мемлекетаралық қарым-қатынастарды дамыту перспективалары туралы пікір алмасты.

[gallery-5595]

Тараптар тұрақты диалогты жалғастыруға және практикалық ынтымақтастық орнатуға дайын екендіктерін білдірді.

Сондай-ақ, сұхбат барысында әртүрлі деңгейдегі алдағы бірлескен іс-шаралардың кестесі қаралды.