Өзбекстан Республикасының Сыртқы істер министрі Бахтиёр Саидов Палестина мемлекетінің жаңадан тағайындалған елшісінің сенім грамоталарының көшірмелерін қабылдады.

Өзбекстан Сыртқы істер министрлігінде Палестина мемлекетінің Өзбекстандағы жаңадан тағайындалған Төтенше және Өкілетті елшісі Ваилл Ахмед Баттрехи мырзаның сенім грамоталарының көшірмелерін қабылдау рәсімі өтті.

Кездесу барысында Өзбекстан мен Палестина арасындағы қарым-қатынастарды екіжақты және көпжақты форматтарда дамыту мәселелері талқыланып, тараптар мемлекеттер арасындағы достық байланыстар мен сындарлы диалогты одан әрі нығайтуға уағдаласқан.

«Өзбекстан Сыртқы істер министрлігі елшінің елдегі қызметі барысында жан-жақты қолдау көрсетуге дайын», делінген СІМ басшысының телеграм арнасындағы хабарламада.