Өзбекстанның Сыртқы істер министрі Бахтиёр Саидов Лондон қаласында өткен «Орталық Азия – Ұлыбритания» форматындағы алғашқы министрлік кездесуіне қатысты.

«Лондонда Ұлыбританияның Сыртқы істер, Достастық және даму істері жөніндегі мемлекеттік хатшысы Иветт Купер төрағалығымен өткен «Орталық Азия – Ұлыбритания» форматындағы алғашқы министрлер кездесуіне қатыстық.

Бұл кездесу өңірдің экономикалық дамуының басым бағыттары бойынша жан-жақты пікір алмасуға, сондай-ақ Ұлыбританиямен сауда-экономикалық ынтымақтастықты кеңейту перспективаларын талқылауға маңызды әрі мазмұнды алаң болды», – деп жазды министр өзінің Telegram арнасында. 

Сауда әртараптандыруы, өнеркәсіптік кооперация, тұрақты инфрақұрылымды дамыту, сондай-ақ Орталық Азияның стратегиялық шикізат ресурстары мен жаңартылатын энергия саласындағы әлеуетін іске асыру мәселелеріне ерекше назар аударылды, – делінген хабарламада.