Өзбекстан сыртқы істер министрі Бахтиёр Саидов Ташкентке сапармен келген Еуропалық Одақтың сыртқы істер және қауіпсіздік саясаты жөніндегі жоғары өкілі, Еуропа комиссиясы вице-президенті Кая Калласпен кездесу өткізді.

«Бүгін Ташкентте Еуропалық Одақтың сыртқы істер және қауіпсіздік саясаты жөніндегі жоғары өкілі, Еуропа комиссиясы вице-президенті Кая Каллас ханымды қарсы алғанымызға қуаныштымыз», – деп жазды Өзбекстан СІМ басшысы өзінің Telegram-арнасында.

Кездесуде екіжақты және өңірлік байланыстарды одан әрі кеңейту мәселелері талқыланған. 

«Самарқандта өтетін «Орталық Азия – Еуропалық Одақ» алғашқы саммиті халықтарымыздың игілігі үшін тиімді ынтымақтастықты нығайтып, жаңа мүмкіндіктерге жол ашады деп атап өттік», – деген министр.