Өзбекстан Республикасының Президенті Шавкат Мирзиёевтің шақыруымен 29 қазан күні елімізге келген Словакия Республикасының Президенті Петер Пеллегринидің жұмыс сапары аяқталды.

Самарқанд қаласында жүзеге асқан сапар бағдарламасына сәйкес, 30 қазан күні Өзбекстан Республикасының Президенті Шавкат Мирзиёев пен Словакия Республикасының Президенті Петер Пеллегрини келіссөздер өткізді.

Кездесуде Өзбекстан мен Словакия арасындағы стратегиялық әріптестік пен көпқырлы ынтымақтастықты одан әрі кеңейтудің өзекті бағыттары талқыланды.

Словакия басшысы беделді меймандар қатарында ЮНЕСКО Бас конференциясының 43-сессиясының ашылу рәсіміне қатысты. Сондай-ақ ұйым Бас конференциясының 31 қазан күнгі жалпы отырысына қатысып, сөз сөйледі.

Петер Пеллегрини сапар барысында Самарқандтағы тарихи-мәдени ескерткіштермен танысты және Өзбекстан мен Словакия шығармашылық ұжымдарының қатысуымен өткен концерттік бағдарламаны тамашалады.

Жоғары мәртебелі мейманды Самарқанд халықаралық әуежайынан Өзбекстан Республикасы Премьер-министрінің бірінші орынбасары А.Раматов және басқа да ресми тұлғалар шығарып салды.

суреттерді түсірген А.Исроилов, ӨзА