Har bir o‘quvchini o‘z farzandidek ardoqlab, uning tarbiyasi 6uchun ko‘z nuri, qalb qo‘ri, butun borlig‘ini baxsh etadigan o‘qituvchi va murabbiylar tom ma’noda fidoyi kasb egalaridir. Kelajak avlod, ilmga tashna o‘g‘il-qizlarga bilim berib kelayotgan ustoz va murabbiylar bayrami yurtimiz bo‘ylab keng nishonlanmoqda.

O‘qituvchi va murabbiylar kuni bayrami munosabati bilan Sirdaryo viloyati musiqali drama teatriga bir guruh ustoz-murabbiylar taklif etildi. Viloyat hokimi G‘ofurjon Mirzayev Prezidentimizning o‘qituvchi va murabbiylariga yo‘llagan bayram tabrigini o‘qib eshittirdi.

Zahmatkash va mehribon ustozlarimiz uchun viloyat musiqali drama teatri qoshida tashkil etilgan simfonik orkestrning teatrlashtirilgan konsert dasturi namoyish etildi. Kuy-qo‘shiqlar ijro etildi. Soha rivoji uchun kamarbasta bo‘lgan xodimlardan bir guruhiga faxriy yorliq va esdalik sovg‘alari topshirildi.

Sh.Suyarov,
F.Toshmatov (surat), O‘zA