Таъкидлаш жоиз, бу йилги танловда қатнашиш учун умумтаълим мактаблардан 9504 та жамоалар (76 032нафар ёшлар), касбий таълим муассасалардан 473 та жамоаларнинг (3784 нафар ёшлар) аризалари қабул қилинди. Танловда жами 9977 та жамоалар, 79 816 нафар ёшлар рўйхатдан ўтди. Унда жамоалар 4 шарт бўйича беллашдилар.

I шарт – “Бу бизнинг ҳудуд” - ушбу шартда иштирокчи жамоалар ўз ҳудудларининг экологик ҳолати, экомаданияти, пикник маданиятлари, ҳудуд экологиясини яхшилашга доир амалга оширилаётган ишлар, ёшларининг экологияга бўлган муносабати очиб берилиши лозим. 

II шарт – “Интеллектуал ринг” - ушбу шартда жамоа аъзолари 3 дақиқа ичида экологик, ижтимоий, сиёсий-ҳуқуқий йўналишлардаги 10 та саволга жавоб беришлари лозим.  

III шарт – “Экология учун барчамиз масъулмиз!” - ушбу шартда иштирокчи жамоалар республикамиз экологиясини асраб-авайлашга қаратилган ёшлар орасида экомаданиятни тарғиб қилишни кўзда тутган, плоггинг, иқлим ўзгаришлар, дарахт экиш ва кесиш ҳамда сув муаммолари бўйича лойиҳасининг мазмун-моҳиятини очиб берадиган ибратли саҳна кўриниш тайёрлашлари лозим.

IV шарт – “Энг яхши экологик лойиҳа” - ушбу шартда иштирокчи жамоалар республика миқёсида экология соҳасини ривожлантириш, ёш экологлар сонини кўпайтиришга эришиш, экология йўналишидаги инвестицияларни жалб қилиш, экология салоҳиятини кенгайтириш бўйича ўз таклиф ва лойиҳаларини намойиш этади.

<iframe width="650" height="420" src="https://www.youtube.com/embed/Opiyf-5C5Fo" title="“Siz ekologiyaga oid qonunlarni bilasizmi?” respublika ko`rik-tanlovi o`tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин НУРИДДИНОВ, Аброр СОДИҚОВ, Анвархўжа АҲМEДОВ, ЎзА