Сирия соңғы 14 жылда алғаш рет шетелге мұнай экспорттады.

Reuters агенттігінің хабарлауынша, сауда компаниясымен жасалған келісім аясында шетелге 600 мың баррель шикі мұнай жөнелтілген. Нақтырақ айтқанда, биылғы тамыз айында АҚШ-тың санкцияларын алып тастауы экспортты қайта жандандыруға мүмкіндік берген.

Сирияның Энергетика министрлігі бұл қадамның елдің мұнай секторын қалпына келтіру мен әлемдік компаниялармен әріптестік аясын кеңейту үшін маңызды екенін атап өтті. Алдағы күндері жаңа экспорттық жөнелтімдер де жүзеге асырылады.

Айта кетейік, 2011 жылы елде дағдарыс басталып, Батыс елдері тарапынан санкциялар енгізілгеннен бері Сирия шетелге мұнай экспорттауды тоқтатқан болатын.