Пойтахтимизда енгил атлетика бўйича катталар ўртасида ўтказилаётган ёпиқ иншоотлардаги Ўзбекистон чемпионатининг ядро улоқтириш баҳсларида Сирдарё вилояти Спортнинг ўйин турлари ва енгил атлетика бўйича ихтисослаштирилган спорт мактаби шуғулланувчиси Малика Насриддинова 16,33 натижа билан қизлар ўртасида 1-ўринни эгаллаб, олтин медалга сазовор бўлди.

Малика Насриддинова ушбу натижаси билан Ўзбекистон рекордини ўрнатди. У 39 йил олдин Моника Андрис томонидан ўрнатилган рекордни янгилади. Моника 1984 йил 11 февралда Россиянинг Санкт-Петербург (Ленинград) шаҳрида Бутуниттифоқ мусобақаларида 15,67 натижани кўрсатган эди.  

Шунингдек, Малика 2006 йил 3 июнда Бишкекда Оксана Котга тегишли бўлган очиқ майдондаги ўсмирлар ўртасидаги мутлақ рекордни ҳам янгилади. Ўшанда Оксана 16,24 натижа қайд этганди.  

Ҳамюртимизнинг ушбу натижаси юртимизда яна бир халқаро даражага эга бўлган иқтидорли енгил атлетикачи камолга етиб келаётганлигини кўрсатмоқда.  

Ш. Суяров, ЎзА