Sirdaryo viloyati kadastr boshqarmasining ma’lum qilishicha, 2021 yilda viloyatda 3 610 ta (120 ga) bo‘sh yer uchastkasi aniqlangan. Shundan 3 480 ta (118 ga) bo‘sh yer uchastkasi vakolatli idoralar bilan kelishish uchun «yerelektron» dasturiga kiritildi.

Shuningdek «yerelektron» dasturiga kiritilgan 3 480 ta bo‘sh yer uchastkasidan 1 569 tasi auksionga chiqarildi.  384 tasi (16 ga) 2 milliard 802 million so‘mga fuqaro va tadbirkorlar tomonidan sotib olindi. Shuningdek, viloyat kadastr boshqarmasi tomonidan 384 ta yer maydoni davlat ro‘yxatidan o‘tkazilgan.

Ma’lumot uchun, 2022 yil 5 yanvar holatiga ko‘ra, auksion savdo maydonchalarida sotuvda bo‘lgan bo‘sh yer uchastkasi soni 1 428 ta (66 ga)ni tashkil etadi.

Maftuna KARIMOVA, O‘zA