Сирдарёда бир кунда карантин қоидасини бузган 13 киши маъмурий қамоққа олинди
Маълумки, юртимизда короновирус тарқалишини олдини олиш мақсадида карантин эълон қилинган.
Маълумки, юртимизда короновирус тарқалишини олдини олиш мақсадида карантин эълон қилинган.
Шу жумладан Сирдарёда ҳам карантин бўлиб, фуқароларни кўчага чиқишлари чекланган. Лекин, шунга қарамай ушбу вилоятда бир кун ичида карантин қоидаларини бузган 306 та ҳолат аниқланган. Ҳуқуқбузарларнинг 13 нафарига маъмурий қамоққа олиш жазоси қўлланилган ва 170 та автотранспорт ҳайдовчиларига маъмурий жазо тайинланиб автомашиналари вақтинча сақлаш учун жарима майдонларига жойлаштирилиб, 31 та ҳолатда велосипедда карантин қоидаларини бузганлик учун қонуний чоралар қўлланилган.
Бу ҳақда Сирдарё вилояти ички ишлар Бош бошқармаси ахборот хизмати хабар бермоқда.
Хабарда ёзилишича, карантин қоидаларини бузиш билан боғлиқ ҳолатларни аниқлаш ва ҳуқуқбузарларга нисбатан таъсир чоралари кўриш чора-тадбирлари давом эттирилмоқда.