Украина ўтган йили қурол харид қилиш бўйича Қатар ва Ҳиндистондан кейин дунёдаги учинчи йирик давлатга айланди, деб маълум қилмоқда Тинчлик муаммоларини тадқиқ қилиш бўйича Стокгольм халқаро институти (SIPRI).

Институтнинг дунё қурол-яроғ бозорига бағишлаб эълон қилган ҳисоботида  келтирилишича, 1991 йилдан 2021 йил охиригача Украина йирик қуролларни оз импорт қилган. Россиянинг ҳарбий амалиёти бошлангандан кейин эса Украина АҚШ ва қатор Европа мамлакатларининг ҳарбий ёрдами натижасида 2022 йилда дунёдаги учинчи йирик импортчи мамлакатга айланди, дейилади маърузада.  

2018 йилдан то 2022 йилгача АҚШ, Россия, Франция, Хитой ва Германия қурол экспортчиларининг кучли бешлигини ташкил этган, дейилади SIPRI тарқатган маълумотда.  

Шу билан бирга, АҚШ ва Россиянинг экспортидаги тафовут сезиларли равишда ошган, яъни Россиянинг қурол экспорти қисқаргани айтилмоқда. Унга Франция етиб олмоқда, дейилади матбуот хабарномасида.