Minsk shahrida sinxron suzish bo‘yicha o‘tkazilgan nufuzli turnirda o‘zbekistonlik sportchilar sovrindorlar qatoridan joy egalladi.

Belarus ochiq chempionati maqomida o‘tkazilgan turnirda Belarus, Rossiya, Qozog‘iston kabi mamlakatlarning mahoratli sportchilari qatorida yurtimiz vakillari tegishli yo‘nalishlarda g‘oliblik uchun kurash olib bordi.

Qiziqarli kechgan bahslar yakunida mamlakatimiz sinxron suzuvchilari musobaqaning uchta dasturida bronza medallariga sazovor bo‘ldi.

Sovrinli o‘rinlarni qo‘lga kiritishda mahoratli sportchilarimiz Darya Kochneva va Yelizaveta Kasatkina g‘alabaga bo‘lgan kuchli irodasini namoyish etdi.

T.Ro‘ziyev, O‘zA